--Ads--
Pimmusay ti lima nga indibidual iti pannakauram ti residential building idiay Al Nahda, Sharjah, United Arab Emirates itay nabiit.
Posible a suffocation ti rason iti ipupusay dagiti biktima.
Kinumpirmar met ti Department of Migrant Workers a maysa a Pinay ti karaman kadagiti pimmusay bayat a nadangran ti asawa daytoy.
Saan metten nga inwaragawag ti Philippine government ti pakabigbigan ti biktima a Pilipino.
Maibasar iti report ti Khaleej Times, nasurok uppat a pulo nga indibidual ti nadangran iti nasao nga insidente.
Manarimaan pailaeng ti imbestigasyon dagiti otoridad seknan iti rason ti uram.
