Nagpaputok ti militar ti South Korea iti “warning shots” kalpasan a bimmallasiw ti sumagmamano a soldado ti North Korea iti nagbeddengan ti dua a pagilian idi laeng kalman.
Kinumpirmar daytoy ti Joint Chiefs of Staff (JCS) ti Seoul, South Korea.
Dagos met nga immatras dagiti suldado ti North Korea kalpasan ti “warning shots” a naipaputok.
Sigun iti Joint Chiefs of Staff ti Seoul, nalabsingda ti Military Demarcation Line a lumasat iti tengnga ti Demilitarized Zone (DMZ) iti agsapa idi kalman.
Maibasar iti rekord, maikatlo a gunway ti nasao nga insidente iti agdama a bulan.
Itay laeng nabiit, nagpaputok manen ti South Korea iti “warning shots” kalpasan a dinosdosena a suldado ti North Korea ti naglabsing iti “demarcation line.”
Kabayatanna, ti insidente a napasamak ket kalpasan a bimmista ni Russian President Vladimir Putin idiay Pyongyang iti umuna a gunaway iti dua pulo ket uppat a tawen.
