--Ads--
Impablaak ti militar ti South Korea a nagpaputokda ti “warning shots” kalpasan a sinalungasing dagiti soldado ti North Korea ti military demarcation line sakbay a nagsublida.
Iti text message ti Joint Chiefs of Staff (JCS) kadagiti reporter, kinunana a nangisayangkat ti militarda kadagiti warning broadcast ken warning shots kalpasan a bimmallasiw ti 10 a soldado ti North Korea iti military demarcation line iti daya a lugar ti demilitarized zone (DMZ) idi kalman ti malem.
Sumagmamano kadagiti suldado ti North Korea ket armado, sigun iti South Korean military.
Impakaamo ti Joint Chiefs of Staff (JCS) nga agtultuloy ti nainget a panagbantayda ti aktibidad ti militar ti North Korea.
