Saan a dimmar-ay iti panagdenggeg ti Land Transportation Office (LTO) ni Alyanna Mari Aguinaldo wenno Yanna Vlog a nag-viral iti road rage idiay Zambales.
Ti abogadona a ni Atty. Ace Jurado ti simmangpet iti preliminary hearing.
Sigun ken ni Atty. Jurado, makaaw-awaten ti pangta iti biag ti kliyentena isut gapuna nga ad-adda a pinilina a nagtalinaed iti pagtaenganda.
Iti apology letter nga imbasa ni Atty. Jurado, nagkiddaw iti pammakawan ti vlogger iti driver ti pick-up truck ken kadagiti amin gapu iti nagbalin a galadna.
Ti panagkiddawna iti pammakawan ket saan a tapno mangala iti simpatiya nu diket agserbi nga adal tapno saan a tuladen ti inaramidna.
Kinunana pay a saanen a lumaban ni Yana kadagiti kaso a maipila kenkuana ken nakasaganana a sanguen iti aniaman a maipataw a pannusa kenkuana.
Sigun met iti driver a ni Jimmy Pascua, ituloyna ti reklamo kontra kenni Yanna gaputa saan a “sincere” iti panagkiddawna ti pammakawan.
Dinakamatna a nakaro ti pannakaibabainna iti panangipablaak ti vlogger iti video iti inaramidna a pananginsulto.
