Impetteng ni Police Major Jim Cris Dagdag, chief of police ti Tublay municipal police station a generally peaceful ti nasao a munisipyo nu maipapan ti crime incidence.
Daytoy ket gapu ti “collaborative efforts” ti PNP, LGU, nadduma nga ahensya ti gobyerno ken ti umili tapnu masustinir ti linak ken kapia sadiay.
Malaksid iti dyta, dakkel a tulong ti panagturung dagitoy kadagiti Barangay nangruna nu adda ti assemblies.
Babaen iti daytoy, mangipaayda iti lecture ken tips tapnu maliklikan ti naduma-duma a crime incidence.
Kabayatanna, ngimmato ti vehicular traffic accident iti nasao a Munisipyo iti baet a generally peacefull daytoy.
Gapu iti dayta, agpalpalagip daytoy kadagiti motorista nga agannad iti panagmaneho ken sukimaten a nasayaat dagiti BLOWBAGETS.
Iti sabali a bangir, makidkiddaw ti agtultuloy a kooperasyon ken suporta dagiti tumunggal maysa iti munisipyo ti Tublay, seknan iti pananglapped ti naduma-duma a crime incidence.
Sigun kenni Police Major Jim Cris Dagdag, chief of police ti Tublay municipal police station, ar-aramidenda amin ti kabaelanda tapnu pagserbian ti masakupan dagitoy.
Nupay kasta, kasapulan ladta ti agtultuloy a suporta ti komunidad para ti peace and order.
Impeksa ni Dagdag a silulukat ti stasyon dagitoy kadagiti amin a makapasar ti krimen ken para iti anya man a serbisyo ti pulisya.//Bombo Noveh Organo
