Indeklara ti Myanmar idi kalman ti ti makalawas a “national mourning” wenno panagleddaang gapu iti nakaro a gingined iti pagilian.
Ti national flag ti Myanmar ket naka-half-mast agingga inton Abril sais kas panakisimpatia iti pannakapukaw ti biag ken pannakadadael manipod iti nakaro a gingined idi Biernes, sigun iti junta.
Napamasak pay idi kalman ti “minute’s silence” iti agpada nga oras a napasamak ti gingined.
Kabayatanna, maibasar iti datos dagiti otoridad, dumanon iti dua a ribo nga indibidual ti pimmusay ken namnamaenda a makasapulda pay kadagiti “survivors” kadagiti narba a pasdek idiay Myanmar.