Naannayas nga eleksyon sadiay Tublay, Benguet, naipannakel
BAGUIO CITY – Inpannakel ni Atty. Jeffrey Rovino, COMELEC Tublay Munisipal Officer a naannayas ti nagbalin a proseso ti kaleppas a National ken Local Elections.
Iti interview ti Bombo Radyo Baguio ken Rovino, adda laeng dagiti sumagmamano a parikot a napasaran iti pannakasukat ti maysa a Vote Counting Machine (VCM) gapu ta napaay daytoy a mangbasa iti balota ken dagiti botante a saan a makabiruk iti nagan dagitoy
Nupay kasta, kinunana a naipatungpal nga umno ti proseso ti panagbotos
Malaksid iti dayta, kinunana a dagtioy iti inmuna a nagdeklara ken nakaisubmitir iti resulta kadagiti munisipyo ti Benguet
Kagiddan iti dayta, inyapelana iti nasapsapa a panangisubmitir dagiti kandidato a nangabak wenno naabak iti Statement of Contributions and Expenditures (SOCE) dagitoy
