Immadu iti tallu pulo ket masya ti bilang dagiti probinsia a naapektaran iti tikag gapu iti epekto ti El Niño a posible nga agtultuloy iti bulan Mayo, sigun iti Philippine Atmospheric, Geophysical and Astronomical Services Administration (PAGASA).
Maibasar iti datos ti nasao nga ahensia, sangapulo ket siam a probensia ti naapektaran iti Luzon, partikular iti Abra, Apayao, Benguet, Cagayan, Cavite, Ifugao, Ilocos Norte, Ilocos Sur, Isabela, Kalinga, La Union, Mountain Province, Nueva Ecija, Nueva Vizcaya, Occidental Mindoro, Oriental Mindoro, Palawan and Rizal ken Metro Manila.
Kabayatanna, sangapulo ket masya ti naapektaran iti Visayas partikur iti Antique, Biliran, Bohol, Cebu, Eastern Samar, Guimaras, Iloilo, Leyte, Negros Occidental, Negros Oriental ken Samar bayat nga iti Lanao del Norte ti kakaisuna a probinsia a makapaspasar ti tikag iti Mindanao.
Iti agdama, nakikoordinar ti Department of Agriculture kadagiti apektado a local government units para iti listaan dagiti mannalon a maipaayan ti tulong pinansial.
