Ngimmato ti bilang dagiti indibidual a napektaran iti Infuenza-like illnesses (ILI) idiay Kalinga iti las-ud ti innem a bulan iti agdama a tawen, sigun iti Department of Health Cordillera.
Maibasar iti datos ti Department of Health-Cordillera Regional Epidemology and Surveillance Unit, dumanon iti agarup pito a ribu ti nailista a kaso ti nasao a sakit iti rehion iti Enero angingga Hunio iti agdama a tawen, no sadino kangrunaan a naapektaran dagiti ubbing.
Iti nasao a bilang, maikatallo ti Kalinga nga addaan iti bilang a pito gasut siam a pullo ket uppat, no sadino nangatngato daytoy no idilig iti agarup tallo pullo a kaso iti isu metlaeng a period idi napalabas a tawen.
Kabayatanna, nakailista ti probinsia iti Benguet iti kangatuan a kaso, sarunuen ti siudad ti Baguio.
Gapu iti dayta, guyguyuguyen ti regional health department ti publiko a surutenda ti minimum public health standards ken sanitary.
