BAGUIO CITY – Maal-allukoy dagiti nagduduma a lugar iti rehiyon Cordillera a makipaset iti “Search for Best Tourism Village” ita a tawen.
Daytoy a pasalip ket open kadagiti sigud a nakipartisipar kasta met kadagiti baro a makipaset.
Maysa kadagiti qualification ket ti nakompleto a tourism projects ken liquidation report dagitoy.
Dagiti application forms ket mabalin a maala kadagiti tourism offices nu sadino dagitoy ket dumalan pay iti screening, inspection ken validation.
Ti criteria iti “Best Tourism Village” ket pakairamanan ti sustainable management, socio-economic and rural development sustainability, cultural sensitivity and environmental sustainability.
Ti first place winner ket maipaayan iti P1-million cash prize, P500-K iti second place winner, P200-K iti third winner ket ken dagiti tallo a runner-ups ket maipaayan ti sag-P100-K.
Kabayatanna, manamnama nga agleppas ti aplikasyon iti nasao a kompetisyon inton Setyembre 6, 2024.
