BAGUIO CITY – Naipatungpal ti nagduduma a serye ti peace indignation rallies iti nagduduma a lugar iti rehion Cordillera idi kalman kas simbolo ti panagtubngar dagiti komunidad kadagiti aktibidad ken ideolohiya dagiti komunista a grupo kas iti Communist Party of the Philippines .
Pinasetan daytoy dagiti barangay officials, miyembro ti Kabataan Kontra Droga at Terorismo (KKDAT), dagiti agtutubo ken dadduma pay nga stakeholders tapno mangipakita iti panagkondenarda iti panagramat ti Communist NPA Terrorists (CNTs) iti area of responsibility dagitoy kas mobility corridor.
Iti datus ti Police Regional Office Cordillera, 94 nga indignation rallies ti naipatungpal iti nagduduma a probinsia iti Cordillera.
Malaksid iti daytoy, pakabuklan a 74 vigils wenno candle lighting ti naisayangkat para kadagiti biktima ti panagabuso to Communist Terrorist Group (CTG).
Dumanon met iti 32 a local chief executives ken 27 nga indigenous people leaders ti nangipeksa iti panagkondenar ken protestada kontra iti CTG.
Kabayatana, 34 a sigud a miyemro, ken top leaders ti CNT ken NPA fighters ti nangibinglay kadagiti kapadasanda seknan iti panangallukoy ti komunista a grupo kadakuada.
Ti naggigidan nga indignation rallies ket kagiddan metlaeng ti panagrambak ti 53rd founding anniversary ti CPP.
Mainaig iti nasao a damag,
Impeksa ti nagduduma a grupo dagiti agtutubo ti siduad ti Baguio ken probinsia ti Benguet ti panagtubngarda kadagiti aktibidad ken ideolohiya dagiti komunista a grupo babaen iti panakipasetda iti indignition rally iti siudad ti Baguio.
Nangugi ti protesta saiay Convention Center parturong sadiya Session Road ken nagpatinnga iti Malcom square.
Nakaimet met dagitoy iti placards a nakaisuratan iti ” stop terrorism”, “youth ,stand for what is right, ken ti Do not be deceived by the CPP-NPA-NDF” kasta met ti NO to CPP-NPA”.
Nagsuot dagitoy iti puraw a t-shirt a mangisimsimbolo ken mangipakpakita iti tarigagayda a magun-od ti Baguio ken Benguet ti linak ken kappia manipud kadagiti miembto ti CPP-NPA.
Nagimet pay dagitoy iti puraw a baloon a simbolo ti natalinaay a pagilian kontra kadagiti rebelde a grupo.
Kagiddan iti daytoy, ibalbalakad dagiti protesters dagiti dadduma pay nga agtutubo tapno agbalinda a nasirib kontra kadagiti estratehuya nga ar-aramiden dagiti rebelde a grupo tapnu mangallukoy kadakuada makikappeng iti grupo dagioy.
Nangipaayda met iti mensahe kadagiti rebelde a grupo tapno sumukodan iti ken makikaykaysada iti gobierno gaputta agdadata a biddot ti ideolohiya ken prinsipyo dagitoy a kadawyan a mangirubo nangruna kadagiti agtutubo.
