Manarimaan itan ti panang-imbistigar ti Baguio flower festival Incorporated kadagiti floats a mapapati a naglabsing iti anti-campaigning bayat ti kaleppas a Panagbenga Grand Floral Float Parade iti siudad ti Baguio.
Impaganetgetda a dagiti naglabsing iti pagannurutan ti nasao a parada ket rumbeng a sumango iti kaskenan a pannusa.
Sigun kadakuada dua a float ti naimatangan dagitoy a naglabsing iti nasao a pagannurutan no sadino daytoy ti nagluganan ti nalatak a personalidad ken ti maysa a senador.
Gapu iti dayta, daytoy ti nasken nga imbistigaranda iti agdama.
Kagiddan dayta, imbinglay met ni Evangeline Payno, secretary ti Baguio flower festival Incorporated a naipaayan iti subsidiya a P100K tunggal grupo dagiti participants iti drum and lyre bayat a P10K met tunggal grupo dagiti nagperform iti cultural dance.//Bombo Noveh Organo
