Manarimaan ita ti panangberipikar iti Food and Drug Administration (FDA) iti kaso dagiti partikular a batch dagiti infant formula products a Nan Optipro ken Nankid Optipro a nai-voluntary recall.
Iti nasao a bilang, 18 ti nakaitunda iti pakaseknan iti salun-at dagiti maladaga ken ubbing nga imminom kadagiti nasao a gatas.
Sigun iti report,dagiti sintomas a narikna dagiti biktima ket pakairamanan ti panagbakwar(vomiting), diarrhea, abdominal pain ken daduma pay a kondisyon a nagkasapulan iti medikal nga atensyon.
Agtultuloy met a makikokoordinar ti FDA iti market authorization holder ti nasao a produkto nga immuna metlaeng a nabilin a mangisumitir iti regular status reports iti panakaiyimplimintar, assessment, ken nagdur-asan ti voluntary recall kadagiti nasao a produkto.
Kagiddan dayta, nabalakadan dagiti nagannak a kitaenda a naimbag ti salun-at dagiti annakda ken dagus dagitoy nga agturong iti pagagasan nu maobserbaran dagiti sintomas iti sakit.
