Manamnama ti nailet a gunay ti trapiko kadagiti kangrunaan a kalsada iti Munisipyo ti La trinidad, Benguet intun Domingo, May 03.
Daytoy ket kagiddan ti maangay a Mass Oath taking dagiti baru a Criminologist iti Benguet Sports Complex sadiay Wangal, La trinidad.
Sigun iti La Trinidad Municipal Police Station, maapektaran iti nailet a gunay ti trapiko ti Buyagan Rotunda, Buyagan Road, Pico Road, Wangal Road, Motorpool Road, Strawberry Farm Road ken Km 5 agingga iti Km. 6.
Kabayatanna, nailatang kas Parking Areas ti Adivay Parking Areas ken ti Strawberry Farm Parking areas.
Iti baet dayta, impanamnama ti nasao nga ahensiya a maiwaras dagiti traffic personnel a mangasistar kadagiti motorista, komuters ken tapno masigurado ti naannayas a gunay ti trapiko.//mp4
