BAGUIO CITY – Inlawlawag ni Mike Cabangon, Convenor ti Baguio-Benguet Movement Against Jeepney Phaseout a saan ng agpayso nga adun dagiti nakapagpaconsolidate a jeepney drivers and operators para iti Public Utility Vehicle Modernization Program (PUVMP).
Sigun kenni Cabangon, kas maibasar iti nairuar a board resolution ti Land Transportation Franchising and Regulatory Board (LTFRB) iti national level, adu pay dagiti saan a naiproseso nga aplikasyon dagiti drivers ken operators para iti consolidation.
Innayon ni Cabangon nga adu dagiti drivers ken operators ti nangipila iti aplikasyonda para laeng iti compliance ngem adu metlaeng kadagitoy ti saan pay a naiproseso.
Mainaig iti dayta, dinakamatna a napaneknekan iti naipatungpal a senate inquiry a napilitan laeng dagiti jeepney drivers ken operators nga agtulnog iti nasao nga addang gapu iti panakaallilawda ken maatap a panangbutbuteng kadakuada.
Karaman ditoy ti panakatiliwda nu saanda nga agpaconsolidate ken agparehistro.//Bombo Rob Dominguez
