PHILIPPINES – Emosyonal a simmango iti naipatungpal a presscon ti nanang ni two-time Olympic gold medalist Carlos Yulo a ni Angelica Yulo ita nga aldaw.
Kagiddan daytoy ti panangilawlawagna kadagiti naibagana iti exclusive interview ti Bombo Radyo Philippines kenkuana ken nagkiddaw daytoy ti pammakawan iti anakna.
Sigun iti surat ni Angelica a binasana, awan ti daduma a panggep ti maysa nga anak nu diket ti pagsayaatan ti anakna.
Kinunana pay a sapay kuma ta maawatan ni Yulo ti nadalus nga intensyon daytoy nu sadino kas maysa nga ina ket nasakit kenkuana a makita ti napadakkelna nga anak a saan nga agdengdenggeg kenkuana.
Impettengna a nu saan a nasayaat ti nagbalin a reaksyona iti relasyonna ket agdawdawat ti pammakawan gapu ta nanang laeng daytoy nga agdandanag.
Nupay kasta, kinunana a nakalukat ti ridaw ti pagtaengan daytoy, adda man ti kwartana wenno awan laketdi kayatna nga agsubli iti sidongda.
“Hindi na pwedeng bawiin ang nasabi. Ang amin lang, handa ako at ang papa mo na mag-usap tayo. Hindi kailangan ng ibang tao na malaman ang alitan dahil hindi nila alam ang buong kwento.”
Angelica Yulo, Mother of two-time Olympic gold medalist Carlos Yulo
Iti baet dayta, nalaos ti panagkiddawna ti pammakawat seknan kadagiti naibagana iti immuna nga interview kenkuana.
“Patawad, anak. Natintindihan ko na maaaring tingnan ng iba na kaya lamang ako nagsasalita ngayon ay dahil sa iyong tagumpay at kasaganaan.”
Angelica Yulo, Mother of two-time Olympic gold medalist Carlos Yulo
Impaganetgetna pay a nakalukat ti ridaw daytoy tapno pagsaritaanda daytoy a personal nga awan ti pungtot.
Innayona a nu saan man a mabukel ti pamilyada ket mapagtalianaed paylaeng ti respeto iti tunggal maysa ken ti dignidad ti pamilya dagitoy.
