--Ads--
Nangitunda iti power interruption ken pannakadadael dagiti kaykayo ti napasamak a tornado idiay Iowa ken Illinois idi laeng kalman.
Maibasar iti report, nangrugi ti tornado iti paset ti Nebraska paturong kadagiti nadakamat a lugar.
Iti baet dayta, awan ti nadangran wenno pimmusay nga indibidual iti nasao nga insidente.
Gapu iti daytoy, nagballaag dagiti otoridad kadagiti umili sadiay tapno agbalin a nasipot, agannad ken maiparit metlaeng a rumwar dagitoy kadagiti pagtaenganda tapno maliklikan ti aniaman nga aksidente.
Kabayatanna, inwaragawag ti National Weather Service sadiay nga adda pay dagiti manamnama a mapasaran a tornado kagiddan ti saan a nasayaat a panawen kadagiti nadakamat a lugar.
