Pinasingkedan ni President Ferdinand Marcos Jr., ti trabaho wenno akem dagiti journalists iti pagilian a Pilipinas, kas ti panangdepensar dagitoy kontra kadagiti palso a damage wenno fake news kagiddan ti pannakarambak ti “World Press Freedom Day” ita nga aldaw, May 3.
Iti social media post ni President Marocs Jr., kinuna nga agserserbi kas kapigsaan a depensa ti pagilian dagiti sao dagiti journalists kontra kadagiti saan nga agpaypayso nga impormasyon wenno fake news.
Malaksid iti dayta, pinadayawan pay ti Presidente dagiti journalists gapu iti “turedda a mangidanon kadagiti unbiased reports ken dadduma pay.
Gapu iti daytoy, indeklara ti Presidential Communications Office (PCO) ti panagkumit ti administrasion ni President Marcos Jr., a mangipaay kadagiti media practitioners iti natalged nga aglawlaw.
