Naduktalan iti report ti Second Congressional Commission on Education (EDCOM 2) a dumanon iti nasurok 1 milion nga estudiante iti Grade 11 iti intero a pagilian ti marigatan a makaawat iti basbasaenda.
Nagtaud ti resulta manipud iti Senior High School literacy assessment ti Department of Education’s (DepEd) idi March 2026.
Nakompirmar iti assessment a 1.3 milion manipud iti 1.4 milion nga estudiante iti Grade 11 iti intero a pagilian ti marigatan a mangtarus iti nabasada.
Sigun kenni Simoun Antonio Salinas ti Second Congressional Commission on Education (EDCOM 2), 12% laeng kadagiti agad-adal iti Grade 11 ti independent learners wenno readers a makaawat iti basbasaenda.
Manipud iti nasao a bilang, dandani innem kadagiti tunggal sangapulo nga estudiante ket maibilang nga adda iti “frustration level”— ti kababaan a tukad ti panagbasa ken panagsurat.
Kabayatanna, dandani tallo kadagiti sangapulo nga estudiante ti adda iti “instructional level,” kayatna a sawen a kasapulanda pay laeng ti panangiwanwan ti mannursuro tapno maawatanda ti basbsaen dagitoy.
