--Ads--
Manamnama a dumanon ti 110,000 dagiti agbiahe tapno agbakasion ita a tawen, sigun kenni Bureau of Immigration Commissioner Joel Anthony Viado.
Maibasar iti datos a dinakamat ni Viado, agarup 53,000 ti bilang ti arrivals iti Christmas weekend bayat a ti bilang ti departures ket 43,000.
Sakbay ti pandemia, naimatangan ti nasao nga ahensia a 55,000 ti daily arrivals ken 47,000 daily departures bayat ti bulan ti Disiembre, idi 2019.
Sigun kenni Viado, naaramid dagiti addang tapno maipasigurado nga awan ti pagkurangan ti BI bayat ti holiday season.
Tapno maipasigurado ti nasayaat a proseso, mangikabil ti BI kadagiti mobile counter ken mangpaaktibo kadagiti rapid response team daytoy.
