Dumanon iti nasurok 15,000 dagiti botante nga inikkat ti Commission on Elections Baguio gapu iti “Failure to vote twice”.
Iti pannakiuman ti Bombo Radyo kenni Atty. John Paul Martin, Election Officer ti COMELEC Baguio, kinunana a karaman ditoy dagiti saan a nakapagbotos idi 2023 Barangay Sangguniang Kabataan Elections (BSKE) ken 2025 National and Local Elections.
Sigun kenni Atty. Martin, punterya ti COMELEC Baguio a mairehestro dagiti agarup 15,000 wenno 20,000 nga indibidual agingga intun Mayo 2026.
Kabayatanna, naituding a maipatungpal intun February 16 ti On site registration dagiti Senior Citizen wenno iti National Commission of Senior Citizens (NCSC).
Mainaig iti dayta, maipatungpal met intun sumaruno a bulan ti On site registration para kadagiti Persons Deprived of Liberty (PDL).
Manamnama a maigiddan daytoy kabayatan ti PDL week intun Pebrero.
Sigun kenni Atty. Martin, makikoodinarda iti Baguio City Hall wenno iti opisina ti Persons with Disability Affairs Office (PDAO) para met iti on site voter registration para kadagiti Persons with Disability (PWD).//mp4
