Ngumatngato ti bilang dagiti menor de edad nga agpaspasngay iti pagilian kas maibasar iti datus ti Philippine Statistic Authority.
Idi 2023, 3,343 a madalaga ti inyanak dagiti ubbing nga ina nga agtawen laeng iti 10 agingga 14.
Nangatngato daytoy nu idilig iti 3,135 a maladaga a naiyanak idi 2022 ken 2,113 idi 2021.
Gapu iti daytoy, kidkiddawen ti Child Rights Network (CRN) ken dagiti child rights advocates kadagiti senador ken iti presidente nga adalenda ti Senate Bill 1979 wenno ti Adolescent Pregnancy Prevention Bill.
Sigun kenni Au Quilala, Deputy Executive Director ti Philippine Legislators Committee on Population and Development ken convenor ti Child Rights Network, nasken a suportaran ti gobyerno ti pannakaisuro ti sex education babaen kadagiti trained professionals tapno maipakaawat a nalaing kadagiti amin nga ubbing nu anya ti kaipapanan daytoy.
Maibasar iti panagadal ti Philippine Statistic Authority, 44% kadagiti young Filipino females ken 39% kadagiti young Filipino males ket kurang ti pannakaammo dagitoy maipapan iti panagnaig nu sadino mabuybuyada laeng daytoy iti social media.
