BAGUIO CITY – Dumanon iti 5,319 a personel ti Police Regional Office Cordillera (PROCOR) ti naideploy kadagiti nagduduma a lugar iti rehiyon para iti election inton Mayo 9.
Iti interview ti Bombo Radyo Baguio ken Police Captain Marnie Abellanida, Public Imformation Officer ti Police Regional Office Cordillera, nagtaud dagitoy iti nagduduma a Provincial ken Municipal Police Offices ken daduma pay a PNP units iti rehiyon.
Kinunana a kasapulan iti serbisyo dagiti police tapnu agtalinaed a peaceful ken balligi ti eleksyon ditoy Cordillera.
Dinakamatna a nakikoordinarda metten kadagiti dadduma pay a pwersa ti gobierno para iti augmentation tapnu mangipaay iti seguridad kadagiti amin nga umili.
Maipalagip a naangay ti simultaneous send off ceremony kadagiti personel ti PROCOR para iti election duties dagitoy idi kalman.
Mainaig iti dayta, mangnamnama dagitoy nga awan iti agbalin a parikot iti linak ken kapia iti rehiyon kabayatan ti eleksyon.
