Naapektaran ti nasurok innem a milyon nga indibidual iti Pilipinas gapu iti epekto ti El Niño phenomenon kas maibasar iti datos ti Department of Social Welfare and Development (DSWD).
Manipod iti Hunio a trenta, kinuna ti nasao nga ahensia a pakabuklan ti 6,088,057 nga indibidual wenno 1,585,826 a pamilia ti naapektaran kadagiti 7,697 a barangay.
Dagitoy ket manipod iti Ilocos Region, Cagayan Valley, Central Luzon, Mimaropa, Bicol Region, Western Visayas, Central Visayas, Eastern Visayas, Zamboanga Peninsula, Northern Mindanao, Davao Region, Soccsksargen, Caraga, Cordillera Administrative Region, ken Bangsamoro.
Dumanon met iti P672.2 million a gatad ti humanitarian assistance ti naipaay ti nasao nga ahensia kadagiti naapektaran.
Adda pay ti nabatbati a P2.4 billion a relief resources, a buklen ti P2.3 billion a gatad dagiti makan ken non-food items, ken P101.7 million a gatad ti standby funds.
