BAGUIO CITY – Natiliw ti maysa a High-Value Individual (HVI) ken dua nga Street-Level Individuals (SLI) a drug personalities iti nagsina a buy-bust operations ditoy Baguio City idi rabii ti Biyernes, July 24, 2021.
Immuna a natiliw iti operasyon sadiay Lower Magsaysay ti HVI a ni Dlanor John Aquino Villanueva, 30-anyos, residente ti Baguio City.
Nakumpiskar kenkuana ti uppat a pakete ti mapapati a shabu nga agdagsen ti agarup nasurok 2.4 grams.
Narekober pay iti ikotna ti naaramat a buy-bust money.
Simmaruno a natiliw iti operasyon sadiay Bakakeng Central, Marcos Highway dagiti SLI a da Sandra Marie Menis Waclin, 24-anyos ken Mike Kevin Ancheta Bane, 26-anyos, agpada a residente ti Baguio City.
Nakumpiskar kadagitoy ti lima a pakete ti mapapati a shabu nga agdagsen ti 3.5 grams.
Narekober pay iti ikotda ti naaramat a buy-bust money.
Iti agdama, naibalud dagiti tallo a sumangsangon iti kaso a panaglabsing iti RA 9165 wenno Comprehensive Drug Act of 2002.
