Naapektaren iti transient houses a negosio iti siudad ti Baguio.
Sigun kenni “Kris,” maysa kadagiti addaan iti transient house, kinunana a bimmasiten ti guests dagitoy.
Ita a bulan ti Marso, adda laeng ti tallo a guests a napasangbay dagitoy, nabababa nu idilig iti sangapulo a guests kadagiti regular nga aldaw nangruna idi saan pay a nangato iti krudo iti tunggal plete.
Aklonenna a malugi ti transient gapu iti panagbassit iti guest.
Impeksana pay nga agingga ita ket awan pay ti nagpa-book wenno nagpa-reserve iti unite wenno transient dagitoy para iti panangrambak iti Holy Week.
Nupay kasta, agtultuloy latta ti operasion dagitoy ken namnamaenda latta nga adda dagiti guest a sumangbay wenno agpa-book nangruna nu Holy Week.
Numan pay saan a nag-increase dagitoy iti babayadan iti transient house, adu ti agriri ti kinangato daytoy ken kayat dagiti guest a ti singasingda a presio ti masurot, ngem nababa unay para kadagiti transient owner.
Sigun pay kenni Kris, ti minimum iti tunggal maysa nga indibidual ket agarup limagasut ngem ti tawar dagiti guest ket tallo gasut laeng.
Kabayatanna, impeksana nga awan ti panggepna nga aniaman nga aktibidad para iti Holy Week gapu paylaeng iti nangato a presio iti krudo, plete ken dadduma pay.
Kinunana a nasaysayaat nga agtalinaed daytoy iti pagtaenganda ngem kaspangrigan bummaba ti presio iti kruod ken dadduma pay iti Holy Week ket mabalin a kamatenna nga agbakasyon.
Iti sabali a bangir, sigun met kenni “Mary Jane,” maysa nga Overseas Filipino Worker, kasangsangpetna daytoy manipod idiay Hongkong isut gapuna a saanna pay unay marikna ti nangato a presio dagiti kangrunaan a gagatangen.
Imbinglayna a nariknana nu kasano karigat ti napamasak iti giera iti nagbaetan ti US-Israel kontra iti Iran.
Imbinglayna pay nga adda kabsatna nga adda idiay Saudi Arabia a marigatan a makaawid a direkta ngem nupay kasta, patienna a makaawid ti kabsatna iti masakbayan. | via Bombo Noveh Organo
