Nadutukan ni Negros Occidental Representative Jose Francisco “Kiko” Bantug Benitez kas baro a director general ti Technical Education and Skills Development Authority (TESDA).
Daytoy ket impablaak ti Presidential Communications Office ita nga aldaw kasaruno ti panaglusulos ni Suharto Mangudadatu.
Patien ni President Ferdinand ”Bongbong” Marcos Jr. ti kabaelan ni Benitez nga idauloanna ti nasao nga ahensia tapno magun-od dagiti gandat a mapasayaat ti technical skills dagiti Pilipino kasta met iti panangitandudo oportunidad.
Kabayatanna, impeksa met ti opisina ti president ti panagyamanda kenni Mangudadatu gapu iti dedikasion a serbisiona ken kontribusionna iti TESDA bayat ti panagtakemna.
Kas sungbat, pinagyamanna metlaeng ni President Marcos Jr gapu iti talek a naipaay kenkuana bayat ti panangidaulona ti TESDA.
Manamnama a dagos nga agtugaw ni Benitez iti akemna ken mangaramid iti strategic priorities para iti TESDA inton sumaruno a lawas.
