BAGUIO CITY – Posible a maisubli manen ti No Uniform, No Entry Policy sadiay La Trinidad Vegetable Trading Post kasaruno ti agtultuloy a panagngato ti kaso iti covid-19 iti nasao a munisipyo.
Sigun kenni Mayor Romeo Salda, maob-obserbaran latta ti saan a panagsuot iti face mask dagiti packers ken comboys ken ti saanda panagsurot iti social distancing sadiay.
Sigun kenkuana, sumagmamano a lugan ti adaan iti sangapulo a packers imbes a tallo laeng ti mapalubosan iti daytoy
Gapu iti daytoy, inlawlawag ti mayor babaen iti panakaisubli ti polisiya ket maliklikan ti ad-adda a panagngato iti kaso ti covid-19 nangruna ta adda ti maysa a kaso ti delta variant sadiay trading post babaen iti maysa nga trader sadiay.
Malaksid iti daytoy, dinakamat ti mayor a nagpositibo iti virus dagiti sumagmamano nga empleyado ti munisipyo ti La Trinidad nga agbantay sadiay isu’t gapuna nga awan paylaeng dagiti agwanawan nga otoridad iti nasao a trading center. (with Bombo Janice Juanito)
