BAGUIO CITY – Epektibo idi kalman, January 21 ti panakaipatungpal ti “No Vaccine, No Negative Antigen/RT-PCR Test Result, No Entry” iti sadiay Mountain Province kagiddan ti panakaipasidong ti probinsia iti Alert Level 4.
Sigun kenni Governor Bonifacio Lacwasan Jr., naipaulog ti nasao a pagalagadan para iti naing-inget a panakawanawan ken panakaimando dagiti border checkpoints ti probinsia.
Kinunana a nakikoordinarda metten iti dadaulo ti Mountain Province Police Provincial Office para iti panakaiwaras ti nasao a pammilin nangruna kadagiti pulis nga agbambantay kadagiti border checkpoints ti probinsia tapnu maipanamnama ti panakasurot ti nasao a pammilin.
Sigun pay kenkuana, saan laeng a maiyaplikar ti nasao a polisiya kadagiti bisita ngem ketdi, uray pay kadagiti returning residents kena agiti returning OFWs sadiay.
Inlawlawagna a ti pammilin ket paset paylaeng ti panagridamda kontra iti Omicron variant ken addang tapnu maliklikan ti ad-adda a panagngato ti kaso iti COVID-19 iti probinsia.
