Nakaawat ti National Telecommunications Commission (NTC) ti impormasion seknan kadagiti indibidual nga umas-asideg kadagiti aplikante ti Value-Added Service (VAS) Certificate of Registration a mangidiadiaya a tumulong iti pannakairuar ti VAS CORs ken panagsingir iti nalabes a bayad.
Inlawlawag ti nasao a komision ti nalaklaka a proseso ti panagplikar ken ti gatad ti otorisado a “fees” wenno mabayadan nu agaplikar para iti VAS COR nga aggatad ti agarup P30,330.
Ti filing fee tunggal agaplikar ket P300, ti Annual Registration Fee 1 (ARF1) para iti umuna a lima a registered services ket P6,000, ti Annual Registration Fee 2 (ARF2) para iti iti tunggal kanayunan a service registered ket P1,000, ti Modification Fee (MOD) ket P180, ken ti Documentary Stamp Tax (DST) ket P30.
Ti panagplikar ket mabalin a maisubmitir babaen ti email iti vas@nte.gov.ph. wenno ipaw-it iti NTC babaen ti Philippine Postal Corporation wenno private courier services.
Kabilan laeng ti SUBJECT: APPLICATION FOR VALUE-ADDED SERVICE (VAS), ken ATTENTION: Regulation Branch, National Telecommunication Commission, NTC Building, Miriam Defensor-Santiago Avenue, East Triangle, Diliman, 1100 Quezon City.
Kinuna ti nasao a komision iti publiko a saanda a makipaspaset iti aniaman a transaksion wenno follow-ups kadagiti “unknown third parties.”
Inlawlawag ti komision a dagiti laeng otorisado nga opisial wenno empleyado ti aplikante ti ma-“entertain.”
