Pinuntirya ti drone ti Iran ti Fujairah oil storage facility idiay United Arab Emirates.
Karaman met laeng a natamaan ket ti maysa nga international airport idiay Dubai.
Gapu ti napasamak, temporaro a nasuspindir amin a flights gapu iti maysa nga uram iti asideg ti airport.
Malaksid iti dayta, nauram metlaeng dagiti dadduma pay nga industrial zone idiay Fujiarah.
Kabayatanna, pimmusay ti maysa a Palestinian idiay Abu Dhabi gapu iti rocket attack metlaeng ti pagilian nga Iran.
Daytoyen ti maibilang a pangtallo a dakel nga insidente manipud iti napasamak a gulo idiay Middle East.
Iti sabali a bangir, balligi met a maharharang ti UAE air defense system dagiti ipatpatayab nga missiles ken drones ti Iran kontra iti nasao a pagilian. //Bombo Karen Sapirao
