--Ads--
BAGUIO CITY – Nakemmeg ti maysa nga online seller iti buy-bust operation nga insayangkat dagiti otoridad sadiay Maharlika Complex, Baguio City idi kalman.
Nabigbig daytoy a ni Maricel Soriano Soriano, 36-anyos, tubo ti Dagupan City ken residente ti Sanitary Camp, Baguio City.
Nakumpiskar manipod kenkuana ti tallo a pakete ti maatap a shabu nga agdagsen ti maysa a gramo.
Nakumpiskar pay kenkuana ti kwarta a naaramat iti transaksyon.
Sumangsango ita ni Soriano iti kaso a panaglabsing iti RA 9165 wenno ti Comprehensive Dangerous Drugs Act of 2002.
