BAGUIO CITY – Apektado ti amin nga opisina ti Commission on Election seknan iti maibatbato nga alegasyon kontra kenni COMELEC Chairperson George Erwin Garcia nga adda pakainaiganna iti kuarta.
Daytoy ket ikoberna ti kapasidad ti opisina a mangipatungpal iti natalged ken impartial nga election.
Iti interview ti Bombo Radyo kenni John Paul Martin, Election Officer ti Commission on Elections – Baguio, nagpirman ni Garcia ti dokumento tapno iberepikar ti existence ken non-existence dagiti accounts nga ibatbato-da kontra kenkuana.
Impettengna a supsuportaran ti nagduduma nga organisasyon ti COMELEC daytoy pakairaman ti Regional Election Directors, Asst. Regional Directors, Provincial Supervisors, Election Officers ken employees union.
Mamati-da a baseless ti ibatbato-da kontra kenni Garcia.
Kinunana a rumbeng a direkta a masungbatan dagitoy a seryoso nga alegasyon gapu ta bigbigbigen ti opisina ti patas.
Konkondinaren pay ti opisina dagitoy a malicious accusations.
Inlawlawagna nga adda ti umno a venue ken legal a proseso dagiti alegasyon, saan laeng nga iti social media.
Kabayatanna, kinuna ni Atty. Martin a saan a maapektaran ti panagsagana dagitoy iti umadanin nga election ken agtultuloy ti trabaho-da iti baet ti mapaspasamak iti main office dagitoy.
Impaganetgetna a sititibker dagitoy para kenni Garcia.
Maipalagip a naakusaran ni Comelec Chairperson George Erwin Garcia a nakaawat ti pasuksok manipud iti South Korean supplier para iti automated poll sysytem.
