--Ads--
BAGUIO CITY – Naiparikep iti publiko ti opisina ti Overseas Workers Welfare Administration (OWWA) – Cordillera ditoy siudad ti Baguio iti las-ud ti dua nga aldaw.
Sigun iti ahensia, nairikep ti opisina dagitoy manipud ita nga aldaw agingga inton bigat, Disiembre 8.
Nailawlawag a para daytoy iti maipatungpal a disinfection, sanitation ken contact-tracing kalpasan a nagpositibo iti COVID-19 ti maysa nga empleado ti ahensia ken daytoy ket makuna nga symptomatic.
Inwaragawag ti ahensia dagiti numero a mabalin a tawagan ti publiko kas iti 0999-994-9296 ken 0917-320-1091.
Kidkiddawen ti OWWA-Cordillera ti pannakaawat ti publiko para iti daytoy a banag.
