Napirmaanen ti ordinansa para iti eco waste management sustainability iti siudad ti Baguio.
Iti interview ti Bombo Radyo ken Baguio City Councilor Betty Tabanda, kinunana a manamnama ti pannakaimplementar ti nasao nga ordinansa para iti pagsayaatan ti siudad ti Baguio.
Ti nasao nga ordinansa ket panggepna a makissayan ti volume ti basura iti uneg ti siudad, panggepna a masolusyunan ti pannakaiwara dagiti basura babaen ti panagrecycle kadagitoy.
Innayon ni Tabanda nga dagiti maipasdek nga eco waste stall tapno ipakitada iti publiko dagiti wagas no kasano nga agrecycle, no kasatno a mapagbalin dagiti food waste kas abono para iti mula ken dadduma pay.
Malaksid iti dayta panggep pay dagitoy nga iyemplementar ti ordinan nga electronic waste management no sadino mabalin nga ikarga dagiti umili dagiti nadadael nga appliances-da kadagiti barangay dagitoy tapno maymaysa a kolektaen ti City Environment and Parks Management Office, Baguio dagitoy tapno maiturong iti pasilidad sadiay Bakakeng, Baguio City.//Bombo Rosemarie Bulsao
