Agtultuloy latta ti isaysayangkat dagiti operatiba iti rehiyon Cordillera tapno sumardeng ti panagmula ken panagilako kadagiti maiparit a mula.
Gapu iti daytoy, pinarut ken inuram dagiti otoridad ti agarup P1.7 million a gatad ti marijuana plants bayat ti naisayangkat a marijuana eradication idiay Kayapa Bakun, Benguet.
Sigun kenni Police Colonel, Provincial Director ti Benguet, naballigi ti operasyon babaen ti nagtipon a pwersa dagiti otoridad manipud Bakun Municipal Police Station, Police Intelligence Unit, Provincial Drug Enforcement Unit, ken dadduma pay a yunit iti rehiyon Cordillera.
Ti nasao nga operasyon ket nagresulta ti pannakadiskubre ti plantasyon ti marijuana a namulaan ti 8,500 a puon ti fully grown marijuana plants.
Kabayatanna, awan ti nasarakan a nagmula wenno cultivator iti daytoy.
