Pinuoran dagiti awtoridad ti P1.8 million ti gatadna a mula a marijuana a nadiskobre bayat ti agtultuloy a marijuana eradication dagitoy idiay Barangay Tulgao East, Tinglayan, Kalinga idi Setyembre sais ken Setyembre siyete iti agdama a tawen.
Ti dua nga aldaw a marijuana eradication operation ket impatungpal dagiti operatiba ti1st Kalinga Provincial Mobile Force Company, Tinglayan Municipal Police Station, Provincial Drug Enforcement Unit, ken Philippine Drug Enforcement Agency-Kalinga.
Nangitunda ti operasyon iti pannakadiskobre ti siyam a ribu a puon ti dadakkel a mula a marijuana iti 600-square-meter plantation site idiay Barangay Tulgao East, Tinglayan.
Amin dagiti iligal a mula ket pinarut ken inuram dagiti otoridad iti nasao metlaeng a disso.
