--Ads--
Agtultuloy ti panagregget dagiti otoridad para iti panakagun-od iti drug-cleared a komunidad no sadino nagresulta daytoy iti panakadiskubre ti P18 million a gatad ti marijuana plants iti pakabuklan a 9,000 square meters sadiay Sitio Loccok, Barangay Badeo, Kibungan, Benguet itay kanikadua.
Balligi ti nasao nga operasyon babaen iti panangidaulo ti Philippine Drug Enforcement Agency (PDEA) – Benguet kaduada dagiti nagduduma nga yunit.
Sigun kenni PDEA-Cordillera Director Derrick Arnold Carreon, umuna a nadiskobreda ti 50-K a marijuana plants iti umuna a plantasyon nga aggatad iti P10 million; sumaruno ti agarup 40-K a marijuana plants nga aggatad iti P8 million.
Nupay kasta, awan ti natiliw a cultivator iti operasyon dagiti otoridad.
