Naaprobaran iti House labor panel ti P200 across-the-board daily wage hike para kadagiti mangmangged iti pribado a sektor ditoy pagilian.
Kasaruno daytoy ti panagrally dagiti labor groups a mangkidkiddaw iti panakaipangato ti sueldo gapu iti panagngato ti presyo dagiti kangrunaan a produkto.
Immuna metten a naaprobaran ti panakaipatungpal ti maikadua a tukad ti salary increase kadagiti empleado ti gobyerno.
Gapu iti daytoy, rumbeng met a maikonsidera ti pakaseknan dagiti private workers.
Pudno a kaap-aprob laeng iti naud-udi a paset ti napalabas a tawen ti kanayunan a sueldo kadagiti minimum wage earners kadagiti nagduduma a rehiyon iti pagilian, ngem nabatad nga kurang daytoy gapu iti makitkita nga inflation iti iseserrek ti tawen 2025.
Gapu iti daytoy, rumbeng laeng a maisakad manen ti kanayunan a sueldo kadagiti mangmangged iti pribado a sektor.
Nupay kasta, rumbeng a maadal a nalaing daytoy tapno saan nga agsagaba dagiti babassit a negosyo ditoy Pilipinas.
