Manamnama a malpas inton Agosto 2026 ti manarimaan a maipaspasdek a model multipurpose building ti Brgy. Hillside, Baguio City.
Iti pannakiuman ti Bombo Radyo kenni Brgy. chairman Ferdinand Bucad, ti Brgy. Hillside, kinunana a pinondoan ti local government unit ti nasao a multipurpose building iti P29 million.
Manamnama nga addaan daytoy iti lima a kadsaaran, pakairamanan ti dua a basement.
Impeksa ti opisyal nga agserbi kas Barangay hall da ti pasdek iti kanito a malpas ti pannakaibangon daytoy.
Ti nasao a multipurpose building ket maaramat metlaeng kas daycare center, evacuation center, health facilities ken daduma pay.
Manamnama a makargaan ti pasdek iti moderno a pasilidad.
Kabayatanna, posible a maaramat kas senior citizen office ti agdama a barangay hall iti kanito nga iyarkardan ti opisina dagitoy.//Bombo Noveh Organo
