--Ads--
Inwaragawag ti National Irrigation Administration (NIA) – Kalinga nga adda manen ti ilakoda a bagas nga aggatad iti P29 tunggal kilo kas paset ti Bagong Bayaning Magsasaka rice.
Mapasamak daytoy inton bigat, Disyembre 20, 2024.
Mangrugi ti panangilakoda iti bagas manipud agsapa agingga malem.
Dumanon iti 1,500 a sako ti bagas ti naituding nga ilako ti nasao nga ahensiya iti maysa nga aldaw.
Gapu ta limitado ti bagas a mailako, maipangruna dagiti Senior Citizen, Solo Parents, PWDs ken 4Ps beneficiaries la ketdi adda ti Identification Card nga ipakita dagitoy.
Iti met Facebook Page ti National Irrigation Administration (NIA) – Cordillera, adda ti 750 bags ti bagas a mailako idiay NIA Kalinga IMO, Bulanao, Tabuk City, Kalinga.
