--Ads--
BAGUIO CITY – Linawlawagan ti kapitan ti Barangay Pinget ditoy siudad ti Baguio ti rason iti panagsingirda ti P30 no adda ti apan agala ti quarantine pass nga umili sadiay.
Sigun kenni Punong Barangay Pablo Pawi Jr., daytoy ket para iti lamination dagiti quarantine passes.
Nupay kasta, linawlawaganna nga inkapilitan ti nasao a P30 a bayad para iti lamination.
Dinakamatna a saan a tagikua ti barangay hall ti lamination machine gaputa tagikua daytoy ti pribado nga indibidual.
Sigun iti kapitan, kiniddawda ti panagtalinaed ti lamination machine iti barangay hall kalpasan a naobserbaranda a marigatan dagiti umili sadiay nga agturong iti pagtaengan ti agtagikua ti nasao a kagawaan.
Inyunay-unayna pay a libre ti panangipaayda iti quarantine passes.
