Manamnama a maipaay ti P40,000 iti tunggal pulis iti pagilian kas paset ti medical ken healthcare benefits-da no sadino mangrugi daytoy inton sumaruno a bulan.
Sigun kenni Philippine National Police (PNP) chief Gen. Rommel Francisco Marbil, ti nasao a benipisyo ket paset ti kiddaw dagitoy a tulong partikular dagiti nakadestino kadigiti nasulinek a lugar.
Kinuna nga ar-aramiden da daytoy para kadagiti pulis a nakadestino kadagiti probinsya wenno iti nasulinek a lugar gapu ta adayo ti pagagasan sadiay bayat a dagiti pulis a nakadestino idiay Metro Manila ket dagus a maakomodar apaman nga adda ti insidente.
Impettengna a kaaduan kadagiti nakadestino iti probinsya ket agturturong kadagiti private hospitals isu’t gapuna a mangipaay dagitoy iti baro a cards tapno mabalin nga agturongda iti kayatda a hospital la ketdi accredited daytoy.
Panggep daytoy a programa a matulungan dagiti pulis partikular no kasapulan dagitoy ti medical assistance.
Innayonna a daytoy ti umuna a gundaway a mangipaayda iti kastoy a benipisyo nupay bassit ngem makatulong daytoy kadagiti agkasapulan. //Rose
