--Ads--
BAGUIO CITY – Intaray ti saan pay a nabigbig a suspek ti P50-K ti gatadna a laptop ken P15-K ti gatadna a notepad babaen ti bukas-kotse sadiay Pico, La Trinidad, Benguet.
Maibasar iti report ti La Trinidad MPS, ti biktima ket agtawen iti 35-anyos, abogado ken residente ti Military Cut-off, Baguio City.
Sigun iti imbestigasyon, nakaturog ti biktima iti uneg ti luganna, alas onse ti rabii idi Oktobre 7.
Nagawid daytoy iti parbangon ti Oktobre 8 iti pagtaenganna ken naduktalanna laengen a mapukpukaw ti laptop ken notepad daytoy idi aramatenna koma dagitoy.
Manarimaan paylaeng ti panakabigbig ken panakatiliw dagiti suspek.//Marinel Rodrigo
