BAGUIO CITY – Binigbig ni Baguio City Mayor Benjamin Magalong ni Rev. Fr. Claudio Banasan manipud iti Saint Vincent Ferrer Parish ditoy siudad ti Baguio gapu iti agtultuloy a panangipaayna ti tulong kadagiti agkasapulan.
Naawat ni Rev. Banasen ti Certificate of Recognition idi agsapa kabayatan ti flag raising ceremony sadiay City Hall.
Sigun kenni Mayor Magalong, maysa ni Rev. Banasen a pagarigan iti saan a managimbubukod a serbisyo kadagiti amin nga umili ti siudad.
Naamuan a maysa ni Rev. Banasen a nangisakad ti COVID-19 Parish Program tapno matulungan dagiti amin a padi ditoy Baguio nga agkasapulan ti tulong.
Agtultuloy metlaeng ti relief operations nga ipatpatungpal ti opisina nga iadadauluan ni Rev. Banasen a maipapaay kadagiti unabled person ken dagiti indigent parishioners.
Napadayawan metlaeng dagiti walo nga empleyado ti lokal a gobyerno ti Baguio City gapu iti panangipaayda ti serbisyo kadagiti amin nga umili ti siudad.
