BAGUIO CITY – Maipimpinalen dagiti pagalagadan iti panakaipatungpal ti live drone show ditoy Baguio City iti pannakarambak ti Paskua ken Baro a Tawen.
Impanamnama ni Mayor Benjamin Magalong ti pannaka-kontrol dagiti agbuya iti show tapno saan a maulit ti nagbalin a parikot iti crowd control iti pannakailukat ti night market idi Disiembre Uno.
Maipakita ti 5,000 a drones nga addaan iti nagduduma a maris, shapes, ken formation a mabuya iti tangatang.
Sigun pay iti mayor, plano a maipatungpal ti live drone show inton Disiembre 25 ken Disiembre 31.
Mainaig iti daytoy, dinakamat ni Magalong a dua laeng a lugar ditoy pagilian ti pakaisayangkatan ti live dronw show a pakairamanan ti siudad ti Baguio ken Metro Manila.
Pinagyamanan ti mayor ti pribado a partner ti lokal a gobierno gapu iti panangsuportarada iti pannakaipatungpal ti live drone show iti Baguio City.
