Pinaglibakan ti pagilian a Jordan nga imbilinda ti panagbakwit iti international airport ken seaport sadiay Aqba.
Daytoy ket kalpasan nga inwaragawag ti US Embassy a naibakwit dagiti empleyado ken pasahero gapu iti pangta ti siguridad.
Sigun kenni Jordanian government spokesman Mohammad al-Momani, awan ti impaulog dagiti otoridad a pammilin para iti panagbakwit dagiti pasahero ken empleyado iti Aqaba Airport ken seaport.
Innayonna nga awan ti naduktalan a “potential threats” a posible a mangpataud iti peggad iti seguridad.
Maipalagip nga immuna a kinuna ti U.S. Embassy a maatap nga impaserra dagiti otoridad ti airport ken seaport sadiay Aqaba, Jordan, gapu iti “unspecified threat.”
Nupay kasta, saan a nangipaay ti embahada iti kanayonan a detalye maipapan iti nasao nga impormasion.
Iti sabali a bangir, pimmusay ti dua a soldado ti Amerika bayat a maysa ti mapukpukaw kalpasan ti panangraut ti Iran sadiay Jordan idi Sabado, July 18, 2026.
Kasaruno daytoy, namakdaar ni Iran Supreme Leader Ayatollah Ali Khamenei nga agbayad ti Washington gapu iti maipagarup a panangpakaroda iti giera sadiay Middle East.
