Naduktalan a pagtaengan ni sigud a Presidential Spokesperson Harry Roque idiay Pinewoods Golf and Country Club, Tuba, Benguet ti ni-raid dagiti kameng ti Presidential Anti Organized Crime Commission (PAOCC) ken Bureau of Immigration (BI) idi laeng kalman a nakaitunda ti panakakemmeg dagiti dua a chinese national a maatap nga adda ti pakainaiganna iti Philippine Offshore Gaming Operations (POGO).
Sigun kadagiti otoridad, posible a mailemlemmneg wenno agab-abang laeng dagiti chinese nationals a nakemmeg, maysa a babai ken maysa a lalaki.
Iti agdama, addan iti kustodiya ti Bureau of Immigration(BI) dagiti nasao nga indibidwal gapu iti panaglabsingda iti paglintegan iti Philippine Immigration nu sadino, awan ti naiprisintada a kaskenan a dokumento iti panagtalinaedda iti pagilian.
Immuna metten a naduktalan ti Presidential Anti Organized Crime Commission (PAOCC) ti sumagmamano a dokumento ni Roque iti Lucky South 99 Corp. iti naluguban wenno na-raid a Philippine Offshore Gaming Operations (POGO) hub idiay Pampanga.
Kabayatanna,itay laeng nabiit ket dinakamat ni Roque iti maysa nga interview nga iwaragawagna dagiti protektor iti Philippine Offshore Gaming Operators (POGO) iti mapasamak a panagdengngeg iti Senado a naituding inton bigat, Hulyo 29,2024.
