Agtultuloy ti operasyon dagiti kameng iti Public Order and Safety Division iti panagikkat ken panangisimpa kadagiti nakauy-oy ken spaghetti wires iti Baguio City.
Iti panakiuman ti Bombo Radyo kenni Daryll Kim Longid,dadaulo ti Public Order and Safety Division-Baguio City, rinugyanda ti operasyonda iti Phase 1 nu sadino,ik-ikkatenda dagiti dead lines wenno unoperational cables partikular iti paset ti Naguilian Road ken daduma pay a kalsada iti siudad.
Sigun kenni Longid, saan a madlaw unay ti pagbalbaliwan ti operasyonda gapu iti kinaadu iti kable a kasapulanda nga isimpa wenno ikkaten.
Dinakamatna a kaadwan kadagitoy ket dagiti kable dagiti telecommunication companies.
Mainaig iti dayta, imbinglay ti nasao nga opisyal a posible a dumanon iti makatawen sakbay a malpas ti Phase 1 iti operasyonda.
Nupay kasta, impanamnama ni Longid a mairaman metlaeng a madalusan dagiti babbarangay iti ruar iti Central Business District iti las-ud iti makatawen.
Dinakamtna a nalpasdan kadagiti paset ti Upper Kayang Street agingga iti paset ti Baguio City Police Office ken iti Shagem Street.
Iti agdama, manarimaanen ti panagdalusda kadagiti kable iti Hilltop Barangay.
Kalpsan dayta, sumaruno met a dalusanda iti paset ti Bokawkan Junction paturong iti Justice Hall, aglawlaw ti City Hall ken paset ti Legarda.//Bombo Jez Lapizar
