Inlawlawag iti Palasyo ti napasamak iti Senado ken GSIS premises idi kalman seknan iti report nga adda ti mapapati a matiliw.
Sigun kenni Palace Press Officer Claire Castro, nagkiddaw iti tulong ti GSIS iti National Bureau of Investigation isut gapuna nga adda ti NBI agents iti GSIS premises.
Kinuna ni Castro nga alas-4 iti malem idi mangisayangkat iti livestream ni Senador Ronald “Bato” Dela Rosa a mapapati a matiliw daytoy.
Sinaruno daytoy iti mensahe ni Senate Sgt. at Arms Mao Aplasca nga adda ti mapapati a tiliwinda, sakbay a naimatangan ti sumagmamano nga NBI agents iti GSIS premises.
Dinakamat pay iti Palasyo nga iggem iti Senado ti susi tapno maluktan ti dalan paturong iti GSIS.
Nagkiddaw metlaeng iti tulong ni GSIS General Manager Wick Veloso iti NBI tapno maipasigurado ti kinatalged iti lugar.
Kinuna iti Palayso nga awan ti assault nga inaramid ti NBI agents iti Senado ken awan metlaeng ti operasion tapno matiliw ni Senador Dela Rosa.
Sakbay ti insidente, naimatangan a mapapati a nakasagana ti Office of the Senate Sergeant-at-Arms.
Mapapati a dinamag iti OSAA ti maysa nga NBI agent a nakatugaw laeng, ket idi nagpabigbig daytoy, mapapati a dagos a nagpaputok iti warning shot ni Aplasca.
